Eibarko Udala
Erroldatzea

Erroldatzea

Erroldatzeak Udal-Erroldan, hiriko bizilagun guztiak agertzen diren erregistroan, izena ematea esan nahi du. Espainiar herritartasuna nahiz atzerrikoa duen pertsona oro erroldatu daiteke, egoera administratibo erregularra nahiz irregularra eta edozein adin eduki arren.

Udalerrian bizi direnek erregistro honetan eman behar dute izena nahitaez.

  • Izapide ofizial, gizarte laguntza eta laguntza ekonomiko askotan baldintza bat izan daiteke.
  • Horri esker, Banako Osasun Txartela eska daiteke, edo adingabeak eskolan sartu edo udalerriko gizarte zerbitzuen laguntza jaso daiteke.
  • Pertsona horrek Espainian bizi izan den denbora egiaztatzeko balio du.
  • Bizilagunen bizi-baldintzak hobetzeko programetan parte hartzea ahalbidetzen du.

    • Europako Erkidegokoa ez den atzerritarrak, iraupen luzeko egoitza-baimena, duenak salbu, Udal-Erroldan izen ematea berritu behar du izena eman zuenetik bi urte igaro baino lehen. Ez badu hori egiten, udalak baja eman diezaioke aurretik entzunaldia eman gabe.

    Baldintzak

    Erroldatzeko beharrezkoa da:

  • Adinez nagusia izatea edo adingabekoa izanez gero baimena izatea.
  • Hirian bizitzea.

    •  

    Izapideak

    Izena emateko inprimakia bete eta sinatu behar da.

    Dokumentu ofizial bat aurkeztu behar da, behar den bezala identifikatuko duena: BETI EGON BEHAR DU INDARREAN

  • Espainiar nazionalitatea duten pertsonen kasuan, Nortasun Agiri Nazionala da (NAN).
  • Atzerritarrentzat, baliozkotutako dokumentu identifikatzaileak Bizileku Txartela edo pasaportea dira (Ebko herritarrentzako indarrean dagoen nortasun-txartela ere). Adin txikikoek Familia Liburua behar dute edo jatorrizko jaiotza-ziurtagiria.

    • Etxebizitzaren erabilera egiaztatzen duen dokumentu bat aurkeztu behar da:

  • Jabea bada, jabetza-eskritura edo duela gutxiko salerosketa-kontratu pribatua edo OHZren (Ondasun Higiezinen gaineko Zerga) egungo ordainagiria, zerbitzu-konpainia baten azken kontratua edo azken ordainagiria (ura, gasa, elektrizitatea, telefonia finkoa, etxe-asegurua).
  • Indarrean dagoen errentamendu-kontratua eta alokairuaren azken ordainagiria.
  • Halako dokumenturik ez badauka, errolda-baimena:
    • Etxebizitzaren titularraren baimena, haren NANaren kopiarekin eta etxebizitzaren jabea hura dela egiaztatzen duen egiaztagiriarekin batera (jabetza-eskritura edo duela gutxiko salerosketa-kontratu pribatua edo OHZren egungo ordainagiria (Ondasun Higiezinen gaineko Zerga), zerbitzu-konpainia baten azken kontratua edo azken ordainagiria (ura, gasa, elektrizitatea, telefonia finkoa, etxeko asegurua).
    • Alokairuaren kontratua bada, baimena errentariak eman beharko du, bere NANaren, pasaportearen edo bizileku-baimenaren fotokopiarekin batera, gehi alokairu-kontratua + azken alokairu-ordainagiria + jabearen baimena + jabearen NANaren kopia.
    • Establezimendu kolektibo bat bada, arduradunaren baimena eskatuko da, establezimenduaren sinadura eta zigiluarekin.
  • Adingabeko bat bere gurasoena ez den etxebizitza batean erroldatzen bada, baimen-dokumentu bat egon behar da.
  • Bizilekuz aldatuz gero, tramite guztiak egin behar dira ostera ere.

    • Non?

    Udal Erroldan alta- eta aldaketa-eskaerak eta bizileku-aldaketak PEGORA Herritarrentzako Zerbitzurako Bulegoan egiten dira.

    Errolda-ziurtagiri bat eska daiteke PEGORA Herritarren Zerbitzurako Bulegoan, Internetez edo telefonoz 943 708 400.